اسلامی تحریک مزاحمت کے ابتدائی رہنمائوں میں شامل جماعت کے سینیر رہ نما الشیخ بکر عبداللہ حسان طویل علالت کے بعد کل جمعہ کو ترکی میں انتقال کرگئے۔
اسلامی تحریک مزاحمت ‘حماس’ نے اپنے رہ نما کی وفات کی تصدیق کے ساتھ ساتھ اس پر افسوس کا اظہار کیا ہے۔
مرکزاطلاعات فلسطین کے مطابق حماس کی طرف سے جاری کردہ بیان میں کہا گیا ہے کہ الشیخ بکر عبداللہ حسان ایک مذہبی عالم، مبلغ اور فلسطینی قوم کے مربی تھے۔ ان کے ایک بیٹے اشرف حسان نے اسرائیلی فوج کے خلاف لڑتے ہوئے جام شہادت نوش کیا۔ اشرف حسان القسام بریگیڈ کے کمانڈر تھے۔ بکر عبداللہ نے اپنے اسی شہید بیٹے کے نام پر ابو اشرف کنیت رکھی تھی۔
حماس نے اپنے بیان میں ترکی میں فوت ہونے والے رہ نما کی دینی اور تحریکی خدمات کو شاندار خراج عقیدت پیش کیا ہے۔
