مسجد اقصیٰ کے ڈائریکٹر الشیخ عمر الکسوانی نے اسرائیلی فوج اور پولیس کی طرف سے کھڑی کی گئی رکاوٹوں اور پابندیوں کے باوجود فلسطینیوں کی قبلہ اول میں آمد کو سراہا ہے۔ انہوں نے خبردار کیا ہے کہ یہودی آباکاروں کی طرف سے اسرائیل کی سرکاری سرپرستی میں مسجد اقصیٰ میں یہودی مذہبی اسکول کا قیام ایک گہری سازش ہے جس کا مقصد مسجد اقصیٰ پر اسرائیلی ریاست کے غاصبانہ تسلط کو مزید مضبوط اور مستحکم کرنا ہے۔
مسجد اقصیٰ کے ڈائریکٹر الشیخ عمرالکسوانی نے کہا کہ اسرائیلی ریاست اور اس کے پروردہ انتہا پسند گروپ مسجد اقصیٰ کو یہودیانے کے لیے وہاں پر مذہبی اسکول قائم کرنے کی کوشش کر رہے ہیں۔
انہوں نے کرونا کی وبا کی آڑ میں فلسطینیوں کے قبلہ اول میں داخلے پرپابندیوں اور القدس کے شہریوں کو قبلہ اول سے بے دخل کرنے کی سازشوں کو مسترد کر دیا۔
الشیخ عمر الکسوانی نے کہا کہ القدس اور مسجد اقصیٰ پر صرف مسلمانوں کا حق ہے اور اس پر کسی کو اعتراض کی گنجائش نہیں۔
خیال رہے کہ مسجد اقصیٰ کرونا وبا کی وجہ سے کئی ماہ تک بند رہی۔ حال ہی میں مسجد اقصیٰ کو نمازیوں کے لیے کھولا گیا ہے۔ اس موقعے پر نمازیوں نے کرونا وبا کے حوالے سے طبی اور حفاظتی انتظامات کئے گئے تھے۔
