امریکا میں ہونے والے صدارتی انتخابات کے نتیجے میں ڈیموکریٹک امیدوار جو بائیڈن کی کامیابی اور اسرائیل نواز ڈونلڈ ٹرمپ کی شرمناک شکست کے نتیجے کے بعد اسرائیل میں وزیراعظم بنجمن نیتن یاھو کے خلاف مظاہرے شروع ہوگئے ہیں۔
عبرانی اخبار ‘یروشلم پوسٹ’ کی رپورٹ میں کہا گیا ہے کہ کل ہفتے کے روز بیت المقدس میں نیتن یاھو کی رہائش گاہ کے باہر ہزاروں افراد نے احتجای مظاہرہ کیا۔ مظاہرین نے ہاتھوں میں نیتن یاتھو کی برطرفی کے حق میں نعروں پر مشتمل بینرز اور کتبے اٹھا رکھے تھے۔
مظاہرین سے خطاب کرتے ہوئے اپوزیشن جماعتوں کے رہ نمائوں نے کہا کہ نیتن یاھو اور ان کی انتظامیہ کرپشن میں ملوث ہیں۔ انہوں نے کرونا کی وبا کی روک تھام کے لیے کوئی خاص اقدام نہیں کیا ہے۔
ٌخیال رہے کہ ڈونلڈ ٹرمپ کواسرائیلی ریاست کا انتہائی وفادار قرار دیا جاتا ہے۔ گذشتہ کچھ عرصے کےدوران نیتن یاھو کے خلاف اسرائیل میں بڑے پیمانے پراحتجاجی مظاہرے ہوتے رہے ہیں۔
