فلسطینی حکومت کے حکام کا کہنا ہےکہ غزہ کی پٹی کے علاقے میں کرونا تیزی سے پھیل رہا ہے مگر فی الحال وبا قابو میں ہے۔ اگرغزہ میں کرونا کی وبا بے قابو ہوئی تو تمام علاقوں میں لاک ڈاون کرنا پڑے گا۔
مرکزاطلاعات فلسطین کے مطابق فلسطینی حکومت کے ترجمان سلامہ معروف نے ایک بیان میں کہا کہ مختلف شعبوں کو کام کے لیے کھولنے کے نتیجے میں کرونا کی وبا میں اضافہ ہوسکتا ہے۔ اگر وبا بے قابو ہونے کا اندیشہ ہوا تو غزہ کے تمام علاقوں میں لاک ڈائون لگانا پڑے گا۔
انہوں نے شہریوںپر زور دیا کہ وہ کرونا کی وبا کی روک تھام کے لیے حفاظتی ایس اوپیز پرسختی کے ساتھ عمل درآمد کریں۔
سلامہ معروف کا کہنا تھا کہ ہم کرونا کے پہلے مرحلے سے دوسرے مرحلے کی طرف منتقل ہوچکے ہیں۔
خیال رہے کہ گذشتہ چوبیس گھنٹوں کے دوران غزہ کی پٹی میں کرونا کے 185 کیسز کی تصدیق کی گئی ہے۔
