فلسطینی وزارت خارجہ کی طرف سے جاری کردہ ایک بیان میں کہا گیا ہے کہ گذشتہ چوبیس گھنٹوں کے دوران بیرون ملک کرونا کے مزید تین فلسطینی مریض دم توڑ گئے جب کہ 10 نئے کیسز سامنے آئے ہیں۔
بیرون ملک کرونا سے ہونے والی فلسطینی اموات کی تعداد 280 ہوگئی ہے جب کہ 6 ہزار 730 متاثر ہوئے ہیں۔
وزارت خارجہ کےمطابق گذشتہ چوبیس گھنٹوں کے دوران سعودی عرب میں کرونا کا ایک مریض چل بسا جب کہ مملکت میں دو مزید کیس سامنے آئے ہیں۔ فوت ہونے والے شہری کی شناخت 52 سالہ خضر اکرم خضر الخرتانی کے نام سے کی گئی ہے۔ اس کےئ علاوہ 63 سالہ نوال موسیٰ مرزوق صالح خاتون جاں بحق ہوگئیں جس کے بعد سعودی عرب میں کرونا سے جاں بحق فلسطینیوں کی تعداد 97 ہوگئی ہے۔
ادھر امریکا میں 81 سالہ ایک فلسطینی خاتون کرونا سے جاں بحق ہوگئیں جب کہ امریکا میں کرونا کے مزید 10 فلسطینی کیس سامنے آئے ہیں۔ امریکا میں کرونا سے متاثرہ فلسطینیوں کی تعداد چار ہزار 177 ہوگئی ہے۔
