فلسطینی وزیراعظم محمد اشتیہ نے یورپی یونین پر زور دیا ہے کہ وہ مشرق وسطیٰ میں امریکا کی یک طرفہ کارروائیوں کے بعد پیدا ہونے والی صورت حال میں امریکی خلا پُر کرے۔
مرکزاطلاعات فلسطین کے مطابق فلسطینی وزیراعظم نے اطالوی وزیر خارجہ لویگی ڈی مایو سے ملاقات کے موقعے پر بات کرتے ہوئے کہا کہ امریکا نے خود کو مشرق وسطیٰ کے سیاسی عمل میں جانب دار ثابت کیا ہے۔ اس لیے امریکا ہمارے لیے اب قابل اعتبار ثالث نہیں رہا ہے۔ یورپی یونین امریکی جانب داری کی وجہ سے پیدا ہونے والے خلا کو پُر کرے۔
انہوںنے کہا کہ موجودہ وقت یورپی یونین کے لیے امریکا کا متبادل ثالث بننے کے لیے مناسب ہے۔ امریکا نے طرف داری اور جانب داری کا مظاہرہ کرتے ثابت کیا ہے کہ فلسطینی امریکیوں پر اعتبار نہیںکرسکتے۔ یہ کمی اب یورپی یونین کو پوری کرنا ہوگی۔
انہوںنے کہا کہ یورپی یونین قضیہ فلسطین کے حوالے سے بین الاقوامی کانفرنس منعقد کرے اور اقوام متحدہ کی قرارداودوں کی روشنی میں فلسطینیوںکو ان کے حقوق دلائے جائیں۔ انہوںنےیورپی ممالک پر فلسطینی ریاست کو تسلیم کرانے کا بھی مطالبہ کیا۔
