عراق میں پولیس نے ایک خاتون کو گرفتار کیا ہے جس نے مبینہ طور پر اپنے دو بچے دریائے دجلہ کے پل سے دریا میں پھینک دیے۔ پولیس نے دریا برد ہونے والے بچوں کی لاشیں بھی نکال لی ہیں۔
مرکز اطلاعات فلسطین کے مطابق سوشل میڈیا پر پوسٹ کی گئی ایک ویڈیو میں ایک خاتون کو پل سے اپنے بچوں کو دری امیں پھینکتے دیکھا جاسکتا ہے۔ واقعے کے بعد خاتون جائے وقوعہ سے فرار ہوگئی تاہم پولیس نے اسے پکڑ لیا ہے۔
ابتدائی تحقیقات کے مطابق الکاظمیہ میں فیڈریل پولیس نے اپنے بچوں کو دریا برد کرنے والی خاتون سے تفتیش کی ہے۔ خاتون نا کہنا ہے کہ اس نے علاحدہ ہونے والے شوہر سے اختلافات اور جھگڑے کے بعد ایسا کیا ہے۔
