اسلامی تحریک مزاحمت’حماس’ کے سیاسی شعبے کے سینیر رُکن موسیٰ ابو مرزوق کی قیادت میں جماعت کے وفد نے روس کے دورے کے دوران کل جمعرات کو ماسکو میں فلسطینی سفارت خانے کا دورہ کیا اور روسی حکام سے بھی ملاقات کی۔ حماس کا وفد آج روسی نائب وزیرخارجہ میخائل بوگدانوف سے ملاقات کرے گا۔
مرکز اطلاعات فلسطین کے مطابق حماس کے سیاسی شعبے کے سینیر رُکن موسیٰ ابو مرزوق کی قیادت میں اعلیٰ سطحی وفد جمعرات کو ماسکو پہنچا جہاں انہوں نے ماسکو میں قائم فلسطینی سفارت خانے کا دورہ کیا۔ ابو مرزوق آج روسی نائب وزیرخارجہ میخائل بوگدانوف سے بھی ملاقات کریں گے۔ اس موقعے پر فلسطین میں قومی مصالحت کے حوالے سے فلسطینی دھڑوں کے مصالحتی فارمولے اور فلسطینیوں کے درمیان اختلافات کے خاتمے کے لیے ہونے والی بات چیت پر تبادلہ خیال کیا جائے گا۔
ابو مرزوق نے ماسکو میں متعین فلسطینی سفیر عبدالحفیظ نوفل سے فلسطین کی تازہ صورت حال پر بات چیت کی۔
