اسلامی تحریک مزاحمت ‘حماس’ نے امیر کویت الشیخ الاحمد الجابر الصباح کے انتقال پر گہرے دکھ اور افسوس کا اظہار کیا ہے۔ حماس کا کہنا ہے کہ امیر کویت کا انتقال فلسطینی قوم اور مسلم امہ کے لیے ناقابل تلافی نقصان ہے۔
حماس کی طرف سے جاری کردہ بیان میںکہا گیا ہے کہ دکھ اور مصیبت کی گھڑی میں حماس اور فلسطینی قوم اپنے کویتی بھائیوںکے ساتھ اور اس کے دکھ اور صدمے میں برابر کی شریک ہے۔
بیان میں کہا گیا ہے کہ آخرت کے سفر پر روانہ ہونے والے کویت کے امیر الشیخ صباح الاحمد الصباح صرف کویت ہی نہیں بلکہ پوری انسانیت کے امیر تھے۔ وہ نیکی اور سخاوت کا پیکر فلسطینی قوم کے حقوق کے محافظ تھے۔ ان کی پوری زندگی عرب اور مسلمان ممالک کے مسائل کے حل کی حمایت میں گذری۔
بیان میں مزید کہا گیا ہے کہ مسجد اقصیٰ اور القدس مرحوم کے دل میں تھے اور انہوںنے ہمیشہ مظلوم فلسطینی قوم کی حمایت اور مدد کی۔
خیال رہے کہ امیر کویت الشیخ الاحمد الجابر الاحمد الصباح کل منگل کے روز انتقال کرگئے تھے۔ ان کی عمر 91 سال تھی اور وہ کچھ عرصے سے علیل تھے۔
