اسرائیل اور خلیجی ریاست متحدہ عرب امارات کے درمیان دوطرفہ تعلقات کےقیام کے اعلان کے بعد دونوں ملکوں کے درمیان بنکنگ سیکٹر میںباقاعدہ تعاون کا آغاز ہوگیا ہے۔
امریکا کی بلومبرگ ایجنسی کی رپورٹ کے مطابق امارات کے ایک بڑےبنک نے اسرائیل کے سب سے بڑے بنک اور مالیاتی ادارے ‘لیومی’ کے ساتھ دو طرفہ تعاون کے شعبے میں مذاکرات شروع کردیے ہیں۔
نیوز ایجنسی کی طرف سے امارات کے بنک کی شناخت ظاہر نہیں کی تاہم یہ بتایا کہ وہ امارات کا سب سے بڑا سرکاری بنک ہے۔
خیال رہے کہ امارات اور اسرائیل کے درمیان 13 اگست کو دو طرفہ تعلقات کےقیام کا اعلان کیا گیا تھا۔ اس اعلان کے بعد اسرائیل کو تسلیم کرنے والا امارات تیسرا عرب اور پہلا خلیجی ملک بن گیا ہے۔ امارات کی طرف سے اسرائیل کو تسلیم کرنے کے اعلان پر بیشتر مسلمان ممالک کی طرف سے سخت ردعمل سامنے آیا ہے۔
آئندہ ہفتے اسرائیل کا پہلا باقاعدہ سرکاری وفد امریکی عہدیداروں کی موجودگی میں ابو ظبی پہنچے گا۔
