اسرائیلی وزیراعظم بنجمن نیتن یاھو کے خلاف اسرائیل کی مرکزی عدالت میں دائر کردہ کرپشن کیسز سے متعلق درخٰواستوں کی تیسری سماعت 6دسمبر کو ہوگی جس میں وزیراعظم کی عدالت میںحاضری سے استثنیٰ ختم کرتے ہوئے انہیں پیش ہونے کی ہدایت کی گئی ہے۔
اسرائیل کے سرکاری ریڈیو نے اتوار کے روز اپنی رپورٹ میںبتایا کہ نیتن یاھو کے کرپشن کیسز کی تیسری سماعت چھ دسمبر 2020ءکو ہوگی۔ اس موقعے پر نتین یاھو کی عدالت میں پیشی لازمی قرار دی گئی ہے۔
رپورٹ میں کہا گیا ہے کہ نیتن یاھو کے بدعنوانی سے متعلق مقدمات کی سماعت تین رکنی بنچ کررہا ہے۔ نیتن یاھو پر رشوت وصولی، امانت میں خیانت اور دھوکہ دہی کے تین الگ الگ کیسز قائم ہیں۔
رواں 19 جولائی کو اسرائیل کی مرکزی عدالت نے نیتن یاھو کے کرپشن کیسز کی دوسری سماعت کی تھی جس میں نتین یاھو خود شریک نہیں ہوسکے اور ان کے وکلا کی طرف سے ان کی نمائندگی کی گئی تھی۔
