قابض اسرائیلی حکام نے جمعرات کے روز مغربی کنارے کے ضلع سلفیت میں واقع کفر الدیک قصبے میں 15 فلسطینی مکانات کی تعمیر روکنے کے احکامات جاری کیے۔
کفر الدیک کے چئیرمین ابراہیم عیسیٰ نے اخباری بیانات میں کہا کہ صہیونی حکام کے عملے نے مسلح اسرائیلی فوجیوں کے ہمراہ صبح کے وقت شہر میں دھاوا بولا اور فلسطینی شہریوں کو الشباب کے علاقے میں اپنے مکانات کی تعمیر روکنے کے 15 احکامات جاری کیے۔
قابض صہیونی حکام نے دعوی کیا کہ نشانہ بنائے گئے مکانات ایریا سی میں واقع ہیں ، جو 1993 میں اوسلو معاہدوں کے تحت اسرائیل کے کنٹرول میں ہیں۔
کفر الدیک نے اپنی زمین کا بڑا حصہ اسرائیلی بستیوں ، فوجی چوکیوں ، اور صنعتی علاقوں میں کھو دیا ہے اور اس کے باشندوں کو آباد کاروں کے حملوں اور مسماری کی کاروائیوں کا نشانہ بنایا جاتا ہے۔
