قابض اسرائیلی فوجیوں نے مغربی کنارے کے مختلف علاقوں میں جمعرات کی شام فوجی چوکی پر دو فلسطینی شہریوں کو گرفتار کر لیا جبکہ صہیونی آبادکاروں کے ایک گروہ نے بڑے پیمانے پر زرعی زمین کو آگ لگا دی اور ایک فلسطینی کسان کو تشدد کا نشانہ بنایا۔
عینی شاہدین نے کہا کہ اسرائیلی آبادکاروں نے نابلس ضلعے میں الصویہ اور یتما دیہاتوں میں فلسطینی زمینوں کے بڑے حصے کو آگ لگا دی جہاں زیتون کے درخت اور گندم کاشت کی گئی تھی جس سے فصلوں کو شدید نقصان پہنچا۔
آبادکاری مخالف سماجہ کارکن غسان دغلس نے کہا کہ اسی دوران ساتھ کے علاقے میں تقریبا 20 صہیونی آبادکاروں نے فلسطینی کسان نسیم حجہ پر اس وقت حملہ کیا جب وہ اپنے کھیتوں میں کام کر رہا تھا
حجہ کے جسم کے مختلف حصوں پر چوٹیں آئیں اور اسے طبی امداد کے لیے ہسپتال منتقل کر دیا گیا۔
طوباس ضلعے میں قابض صہیونی فوجیوں نے دو فلسطینی شہریوں کو العقبہ گاؤں کے داخلی دروے پر قائم چوکی پر روکا اور بغیر کسی وجہ کے گرفتار کر لیا۔
اسیران کی شناخت وجیہ الدباک اور موید دویقت کے نامؤں سے ہوئی۔
