فلسطینی وزارت مذہبی امور اوراوقاف نے ایک بیان میں کہا ہے کہ ماہ صیام کے جمعۃ الوداع کے موقعے پر بیمار، عمر رسیدہ، بچے اور معذور افراد مساجد میں آنے کےبجائے گھروں میں نماز ظہر ادا کریں۔
مرکزاطلاعات فلسطین کے مطابق وزارت اوقاف کی طرف سے جاری بیان میں کہا گیا ہے کہ کرونا کی وبا کے نتیجے میں غزہ کی پٹی میں مساجد میں رش سے بچنے کے لیے شہریوں کو ہدایت کی گئی ہے کہ اگر وہ بیماری، معذور ، بچے اور بوڑھے ہیں تو وہ مساجد کے بجائے گھروں میں نماز ظہر ادا کریں۔
بیان میں کہا گیا ہے کہ عذر کی حالت میں اسلامی شریعت میں اہل اسلام کو اجازت دی گئی ہے کہ وہ گھر میں نماز ادا کریں۔ وزارت اوقاف نے خواتین، عمر رسیدہ افراد ، بچوں اور بیماروں کو گھروں میں نماز ظہرادا کرنے کی رخصت دی ہے۔
