فلسطینی وزارت خارجہ کے مطابق متحدہ عرب امارات میں ‘کوویڈ ۔ 19’ (کرونا) وائرس سے گذشتہ چوبیس گھںٹوں کےدوران مزید 3 فلسطینی جاں بحق ہوگئے جس کے بعد امارات میں کرونا سے فوت ہونے والے فلسطینیوں کی تعداد 9 ہوگئی ہے۔
فلسطینی اتھارٹی کی وزارت خارجہ کے مطابق امارات میں ایک ہی روز میں تین فلسطینی کرونا سے وفات پاگئے جب کہ امارات میں مزید ایک فلسطینی میں کرونا کی تصدیق کی گئی ہے۔
وزارت خارجہ کے مطابق گذشتہ چوبیس گھںٹوں کےدوران امارات میں کرونا سے فوت ہونے والے فلسطینیوں کی شناخت 52 سالہ جلال محمد کامل ابو شدق اور 52 سالہ خاتون رغدہ علی حسن احمد الشقرہ الطباطیبی کے ناموں سے کی گئی ہے۔
امارات میں مجموعی طور پراب تک 9 فلسطینی کرونا سے انتقال کرچکے ہیں۔ حالیہ ایام میں مزید 21 فلسطینی امارات میں کرونا کا شکار ہوئے ہیں جس کے بعد امارات میں کل متاثرین کی تعداد 44 ہوگئی ہے۔ سات فلسطینی صحت ہوئے ہیں۔
