اسلامی تحریک مزاحمت ‘حماس’ نے جمہوریہ چین میں کرونا وائرس کے نتیجے میں ہونے والی اموات پر چینی صدر شی جن پنگ سے دکھ اور افسوس کا اظہار کیا ہے۔
مرکزاطلاعات فلسطین کے مطابق حماس رہ نما کی طرف سے چینی صدر شی جن پنگ کے نام لکھے مکتوب میں ‘کویڈ ۔ 19’ کے نتیجے میں چین میں ہونے والے نقصان پر دکھ کا اظہار کیا اور اس وبا پرقابوپانے میں چینی حکومت کو مبارک باد پیش کی۔
اسماعیل ھنیہ نے چینی صدر کو لکھے مکتوب میں کہا کہ ہم جمہوریہ چین کی قیادت اور عوام دونوں کے ساتھ اس قاتل مرض کے نتیجے میں ہونے والے نقصان پر گہرے دکھ اور افسوس کا اظہار کرتے ہیں۔
انہوں نے چینی صدر سے اپیل کی کہ وہ فلسطینی علاقوں غزہ، غرب اردن ، القدس اور بیرون ملک فلسطینیوں کو کرونا سے بچانے کے لیے مدد کریں۔ انہوں نے چین کی جانب سے کرونا کی روک تھام کے لیے اٹھائے گئے اقدامات پر اطمینان کا اظہار کرتے ہوئے کرونا کو کنٹرول کرنے میں چین کی کامیابی پر بیجنگ قیادت کو مبارک باد پیش کی۔
