فلسطین کے علاقے غزہ کی پٹی میں ڈاکٹروں نے کرونا کی وباء کے حوالے سے عوام الناس کی رہ نمائی کا سلسلہ شروع کیا ہے۔ گذشتہ روز مختلف مساجد میں ڈاکٹروں نے منبر پرکھڑے ہوکر لوگوں کی کرونا سے متعلق رہ نمائی کی۔
فلسطینی وزارت اوقاف کی طرف سے جاری ایک بیان میں گذشتہ جمعہ کے روز بھی علماء اور مساجد کے خطباء نے ڈاکٹروں کو شہریوں سے کرونا کے بارے میں رہ نمائی کے لیےمنبر پر آنے کی اجازت دی۔ اس موقع پر علماء اور ڈاکٹر حضرات نے شہریوں کی رہ نمائی کا فریضہ انجام دیا۔
