فلسطینی وزارت صحت نے کہا ہے کہ چین سے آنے والے افراد کو حفاظتی نقطہ نظر کے تحت دیگر فلسطینیوں سے الگ تھلگ رکھنے کا فیصلہ کیا گیاہے تاکہ ان کی وجہ سے کسی قسم کے’کرونا’ وائرس سے محفوظ رکھا جاسکے۔
مرکزاطلاعات فلسطین کے مطابق غزہ میں وزارت صحت کے حکام کا کہنا ہے کہ غزہ میں ایک اسپتال کو صرف چین سے آنے والے افراد کے طبی معائنے کے لیے تیار کیا گیا ہے۔ چین سے آنے والے تمام افراد کو احتیاطی تدابیر کے تحت اسپتال میں رکھا جائے گا۔ چین سے آنے والے متعدد افراد کو 14 دن تک اسپتال میں رکھا گیا اور کرونا وائرس سے محفوظ ہونے کی تصدیق کی بعد انہیںگھروں کو بھیج دیا گیا۔
خیال رہے کہ عالمی ادارہ صحت کے مطابق چین میں ‘کرونا’ وائرس سے ہلاکتوں کی تعداد 1700 سے تجاوز کرچکی ہے۔ جب کہ 67 ہزار افراد اس سے متاثر ہوئے ہیں۔
