عراق میں انسانی حقوق کےہائی کمیشن علی البیاتی کا کہنا ہے کہ عراق میں پناہ گزین کمیشن کی طرف سے رہائشی ضروریات کے لیے رقم کی فراہمی روکے جانے کے باعث تین سو فلسطینی خاندان بے گھر ہونے کے خطرے سے دوچار ہوگئے ہیں۔
مرکزاطلاعات فلسطین کے مطابق ‘السامریہ نیوز’ ویب سائٹ نے بتایا ہے کہ متاثرہ فلسطینی خاندان تحریر اسکوائر میں احتجاجی مظاہرہ کرنے کی تیاری کررہے ہیں۔
انسانی حقوق ہائی کمیشن کے مطابق پناہ گزین کمیشن کی طرف سے 300 فلسطینی خاندانوں کو رہائشی مقاصد کے لیے ماہانہ بنیادوں پر دی جانے والی رقم روک دی ہے جس کے نتیجے میں وہ بے گھر ہونے لگے ہیں۔ان میں بیمار، عمر رسیدہ، بچے اور بیوہ خواتین بھی شامل ہیں۔
البیاتی کا کہنا تھا کہ ان فلسطینیوں نے اپنے مطالبات کے حق میں تحریر اسکوائر میں احتجاج کا فیصلہ کیا ہے۔
