فلسطینی وزارت صحت نےکہا ہے کہ فلسطین کے علاقےغزہ کی پٹی میں کورونا وائرس کا کوئی کیس سامنے نہیں آیا ہے۔
مرکزاطلاعات فلسطین کے مطابق غزہ میں ابھی تک کورونا وائرس کا کوئی کیس سامنے نہیں آیا ہے تاہم شہریوں کو اس حوالے سے محتاط رہنے کی ہدایت کی گئی ہے۔
غزہ میں ڈائریکٹر صحت عامہ نے کہا کہ غزہ کی پٹی میں کورونا وائرس کا کوئی کیس سامنے نہیں آیا ہے۔ ان کا کہنا تھا کہ حکومت نے چین سے واپس آنے والے شہریوں کے طبی معائنے اور ضروری احتیاطی تدابیر اختیار کی ہیں۔ حکومت کی پوری کوشش ہے کہ غزہ کی پٹی میں یہ وباء نہ پھیلے۔
خیال رہے کہ کورونا وائرس اس وقت دنیا کے کئی ممالک میں پھیل رہا ہے۔ فلسطین کے بعض حصے بھی اس سے متاثر ہوئے ہیں۔ تاہم غزہ کی پٹی کا علاقہ اس سے محفوظ ہے۔
