قابض صہیونی فوج کی شمالی فلسطین میں مشقوں کے دوران ‘ھاون’گولہ پھٹنے سے چار اسرائیلی فوجی زخمی ہوگئے۔
عبرانی ذرائع ابلاغ کے مطابق شمالی فلسطین میں مشقوں کے دوران گولہ پھٹنے سے چار اہلکار زخمی ہوگئے جنہیں فوری طورپر ‘زیو’ نامی فوجی اسپتال منتقل کیا گیا ہے۔
اسرائیلی فوج نے اس واقعے کی تحقیقات شروع کردی ہیں تاہم حادثے کی وجہ معلوم نہیں ہوسکی ہے۔
خیال رہے کہ اسرائیلی فوج اس وقت شمالی فلسطین اور بعض دوسرے فلسطینی علاقوں میں وسیع پیمانے پر جنگی مشقیں کررہی ہے۔
عبرانی ٹی وی چینل کے مطابق شمالی فلسطین میں ‘ھاون’ گولے کا دھماکہ اس وقت ہوا جب فوج مشقوں میں مصروف تھی۔ اس دھماکے میں چار اہلکار شدید زخمی ہوئے ہیں جنہیں الصفد کے ایک مقامی اسپتال میں داخل کیا گیا ہے۔
