جرمنی کے ماہرین خورانک نے جسم کو پانی کی ضرورت ظاہر کرنے والی علامات کے بارے میں بتایا ہے۔ ماہرین کا کہنا ہے کہ ایسی نو علامات ہیں جن کے ظاہر ہونے سے یہ پتا چلتا ہے کہ آپ کے جسم میں پانی کی کمی ہے اور آپ کو زیادہ سے زیادہ پانی پینا چاہیے۔
وہ علامتیں درج ذیل ہیں، سر درد، سر کا چکرانا، نظر کا متاثر ہونا، گردوں میں درد کی شکایت، پیشاب کی کمی، پیشاب کےرنگ کا سیاہ اور تیز بدبو، قبض اور موٹا پاخانہ، ہونٹوں کا خشک ہونا اور پھٹ جانا۔ ہاتھ کے پچھلے حصے، بازو اور ران پر جھریاں ظاہر ہونا۔
ماہرین کا کہنا ہے کہ بعض بیماریوں، جسمانی عوارض یا چوٹ لگنے سے بھی پیاس کم ہوسکتی ہے۔ پیاس نہ ہونے کے باوجود روزانہ ایک لیٹر سے زیادہ پانی نوش کرنا چاہیے۔
