گذشتہ ہفتے فلسطینی علاقوں میں قابض اسرائیلی فوج کی گھر گھر تلاشی کی کارروائیوں اور تشدد کے واقعات میں کم سے کم 50 فلسطینی زخمی ہوئے۔
مرکزاطلاعات فلسطین کے مطابق گذشتہ ہفتے اسرائیلی فوج کی طرف سے فلسطینی شہریوں پر براہ راست فائرنگ، آنسوگیس کی شیلنگ اور لاٹھی چارج سمیت تشدد کے دیگر حربے استعمال کیے، جس کے نتیجے میں کم سے کم 49 فلسطینی زخمی ہوئے۔
گذشتہ ہفتے غرب اردن اور القدس میں فلسطینیوں کی طرف سے یہودی آباد کاروں اور قابض فوج پر دھماکہ خیز مواد سے حملوں کے علاوہ چاقو سے حملے اور پٹرول بموں سے حملے کیے گئے۔
گذشتہ جمعہ کے روز اسرائیلی فوج کی طرف سے غرب اردن میں فلسطینی مظاہرین کو نشانہ بنایا گیا جس کے نتیجے میں دو فلسطینی گولیاں لگنے اور درجنوں شہری آنسوگیس کی شیلنگ سے متاثر ہوئے۔ جمعہ کو قابض فوج اور فلسطینی مظاہرین کے درمیان 9 مقامات پرتصادم ہوا۔
جمعرات کو اسرائیلی فوج نے غرب اردن میں 16 سالہ فلسطینی حسین محمد یونس کو گولیاں مار کر زخمی کردیا۔
