قابض اسرائیلی حکام نے فلسطینیوں کو مقبوضہ بیت المقدس کے شمال مغرب میں بیت دقو گاوں میں تقریبا 66 ایکڑ اراضی کو ضبط کرنے کے بارے میں مطلع کیا۔
گاوں کی کونسل کی جانب سے جاری کردہ بیان میں کہا گیا کہ فلسطینی رابطہ دفتر نے گاوں میں 66 ایکڑ فلسطینی اراضی کو ضبط کرنے کا اسرائیلی فیصلہ موصول کیا ہے۔
صہیونی حکام پہلے ہی اس ضبط شدہ زمین پر علیحدگی کی دیوار تعمیر کر چکے ہیں۔
گذشتہ چند دنوں میں اسرائیلی حکام نے مقبوضہ بیت المقدس اور مغربہی کنارے میں ہزاروں ایکڑ اراضی کو ضبط کرنے کا حکم جاری کیا ہے اور اس سلسلے میں فوجی احکامات جاری کیے ہیں۔
