قابض اسرائیلی فوج نے مقبوضہ مغربی کنارے کے جنوب میں الخلیل شہر میں تلاشی کے دوران عوامی محاذ کے ایک سرکردہ رہ نما کو حراست میں لے لیا۔
مرکز اطلاعات فلسطین کے مطابق منگل کو قابض فوج کی بھاری نفری نے 69 سالہ فلسطینی رہ نما بدران بدر جابر کو حراست میں لے لیا۔
اسیر رہنما جابر کے بیٹے کے مطابق 60 اسرائیلی فوجیوں نے ان کے گھر کا محاصرہ کیا۔ اس کے بعد وہ گھر میں داخل ہوئے اور خواتین اور بچوں کو زدو کوب کیا۔
قابض فوج نے گھر میں تلاشی کے دوران لوٹ مار اور توڑپھوڑ کی۔ اس کے بعد ان کے والد بدران بدر جابر کو حراست میں لینے کے بعد نامعلوم مقام پر منتقل کر دیا گیا۔
انہوں نے بتایا کہ قابض فوج نے اس موقع پر ان کے ایک بھائی پر تشدد کیا۔ خیال رہے کہ بدران بدر جابر فلسطین پاپولر فرنٹ کے بانیوں میں سے ایک ہیں۔
