فلسطین کے مقبوضہ مغربی کنارے کے شمالی شہرجنین میں دو روز کے اندر دوہرے قتل کی واردات میں دو افراد ہلاک ہو گئے۔ دوسری جانب شہر میں فلسطینی اتھارٹی کی طرف سے قانون کے نفاذ میں ناکامی پرعوام میں سخت مایوسی پائی جا رہی ہے۔
مقامی فلسطینی ذرائع نے بتایا کہ مسلح افراد نے گھات لگا کر جنین کے عجہ کے مقام پر فائرنگ کرکے بلال عبد ناجی معالی کو قتل کردیا۔ اسے اس وقت گولیاں ماری گئیں جب وہ اپنی گاڑی پر اپنے کام پر جا رہاتھا۔
یہ واقعہ جنین ۔ نابلس شاہراہ پر پیش آیا۔ گولیاں مقتول کے جسم کے بالائی حصے پر لگیں جو جان لیوا ثابت ہوئیں۔
قبل ازیں اسی شہر میں ایک دوسرے فلسطینی عماد الاسمر کو نامعلوم افراد نے گولیاں مار کر قتل کردیا اور خود فرار ہوگئے تھے۔ فائرنگ کے باعث مقامی آبادی میں خوف وہراس پایا جا رہا ہے۔
