فلسطینی پناہ گزینوں کے حقوق کے لیے اقوام متحدہ کی طرف سے قائم کردہ ریلیف اینڈ ورکس ایجنسی’اونروا’ کے ہائی کمشنر نے کہا ہے کہ فلسطینی پناہ گزینوں کی آئینی حیثیت کو نقصان پہنچانے کو کوششوں کو ہرصورت میں ناکام بنائیں گے۔
مرکزاطلاعات فلسطین کے مطابق عمان میں ایک پریس کانفرنس کے موقع پر خطاب میں انروا کے ہائی کمشنر پییر کریینپول نے کہا کہ فلسطینی پناہ گزینوں کے تسلیم شدہ اسٹیٹس کے خاتمے کے لیے کی جانے والی ہرکوشش کو ناکام بنائیں گے۔
انہوں یہ بیان ایک ایسے وقت میں دیا ہے کہ ‘اونروا’ کے زیراہتمام ہزاروں اسکولوں میں لاکھوں فلسطینی طلباء موسم گرما کی تعطیلات کے بعد آج اسکول جانا شروع ہوگئے ہیں۔ اقوام متحدہ کے ریلیف ادارے کے زیر اہتمام کم سے کم نصف ملین فلسطین پناہ گزین بچے اسکولوں میں جاتے ہیں۔
اونروا کی طرف سے فلسطینی پناہ گزینوں کے بچوں کی تعلیم ، صحت اور سماجی ضروریات پوری کرنے کے لیے ان کی مدد جاری رکھنے کے عزم کا اعادہ کیا ہے۔
مسٹر کرین پال نے مزید کہا کہ اونروا فلسطینی قوم کے حقوق کی حمایت اور ان کی خدمت کا کام ترک نہیں کرے گی۔ ان کا کہنا تھا کہ اقوام متحدہ کی قراردادوں کے مطابق فلسطینی پناہ گزینوں کو ان کے بنیادی اور دیرینہ حقوق کی فراہمی جاری رکھی جائے گی اور اس حوالے سے کسی قسم کی غفلت قابل قبول نہیں ہوگی۔
