ہنڈوراس کی جانب سے اسرائیل میں قائم سفارت خانہ تل ابیب سے مقبوضہ بیت المقدس منتقل کرنے پر عرب ممالک اور عالم اسلام کی طرف سے شدید تنقید کی جا رہی ہے۔
مرکزاطلاعات فلسطین کے مطابق قطرنے ہنڈوراس کی سفارت خانے کی القدس میں منتقلی کے فیصلے کی شدید الفاظ میں مذمت کی ہے۔ دوحا وزارت خارجہ نے ایک بیان میں کہا ہے کہ ہنڈوراس کا تل ابیب سے سفارت خانہ القدس منتقل کرنا عالمی اجماع اور بین الاقوامی قوانین کی کھلی خلاف ورزی ہے۔
قطری خبر رساں ایجنسی’قنا’ کے مطابق دوحا کی حکومت نے ہنڈوراس کے سفارت خانے کی تل ابیب سے القدس منتقلی کے اقدام کو بین الاقوامی قوانین کی کھلی توہین اور خلاف ورزی قرار دیا ہے۔ بیان میں کہا گیا ہے کہ ہنڈوراس کا اقدام بین اقوام متحدہ کی سلامتی کونسل، جنرل اسمبلی اور دیگر عالمی اداروں کی قراردادوں کی توہین ہے۔
