فلسطین کے علاقے غزہ کی پٹی پراسرائیلی فوج کے جنگی طیاروں نے بدھ اور جمعرات کی شام بمباری کی تاہم اس بمباری میں کسی قسم کا جانی نقصان نہیں ہوا۔
مقامی فلسطینی ذرائع نے مرکزاطلاعات فلسطین کو بتایا کہ بدھ اور جمعرات کی درمیانی شب شمالی غزہ میں اسرائیلی فوج نے متعدد میزائل داغے۔
عینی شاہدین نے بتایا کہ قابض فوج نے غزہ میں فلسطینی مزاحمتی مراکز پربمباری کی تاہم ان حملوں میں کسی قسم کا جانی نقصان نہیں ہوا۔
قبل ازیں اسرائیلی فوج نے غزہ کی پٹی سے ایک میزائل داغے جانے کا دعویٰ کیا تھا۔ یہ میزائل یہودی کالونیوں تک پہنچنے سے قبل ہی گرکرتباہ ہوگیا تھا۔
خیال رہے کہ قابض اسرائیلی فوج آئے روز غزہ کی پٹی پر راکٹ اور میزائل حملوں کے الزام میں وحشیانہ بمباری کرتی ہے۔
