اسرائیل کے ذرائع ابلاغ نے مصدقہ ذرائع کےحوالے سے بتایا ہے کہ مشقوں کے دوران اسرائیلی فوجیوں پر ایک خطرناک وائرس نے حملہ کردیا جس کے نتیجے میں دسیوں فوجی افسر اور سپاہی بیمار ہوگئے اور انہیں علاج کے لیے اسپتالوں میں لے جانا پڑا ہے۔
عبرانیٹی وی چینل 12 کی رپورٹ کے مطابق ‘کفیر بریگیڈ’ کے اہلکار مشرقوں میں مصروف تھے کہ اچانک ایک خطرناک وائرس نے ان پرحملہ کردیا۔ ایک ہی وقت میں درجنوں فوجیوں کے سرمیں شدید درد، قے اور غشی کےدورےپڑنے لگے۔ فوجیوں کی حالت بگڑنے پرانہیں اسپتالوں میں منتقل کیا گیا۔ ٹی وی رپورٹکے مطابق یہ واقعہ حال ہی میں پیش آیا۔ متاثرہ اہلکاروں میں اسپتال داخل کیے گئے فوجیوں کا علاج جاری ہے۔ متاثرہ اہلکاروں کو دوسرے فوجیوں میں گھلنے ملنے سے منع کردیا گیا تاکہ متعدی وبا دوسرے فوجیوں تک منتقل نہ ہوسکے۔
