برطانیہ میں ماحولیاتی تحفظ اور تحفظ حیوانات کے لیے کام کرنے والے ماہرین کا کہنا ہے کہ ایک جنگی انگریزی بلی جس کے بارے میں خیال تھا کہ ڈیڑھ سو سال قبل اس کی نسل ختم ہوگئی تھی ایک بار پھر واپس آگئی ہے۔
برطانوی ذرائع ابلاغ کے مطابق انگریزی جنگی بلی کے بارے میں مشہور تھا کہ وہ انیسویں صدی سے نسل ختم ہونے کے بعد ناپید ہوچکی ہے۔
برطانوی ماہر ماحولیات ڈیرک گائو کا کہنا ہے کہ تین اقسام کی جنگلی بلیاں دوبارہ ظہور پذیر ہوئی ہیں۔ بلیوں کی یہ نسل 150 سال پیشتر معدوم ہوچکی تھی۔
مسٹر گائو کا کہنا ہے کہ جنوب مغربی انگلیڈ میں ڈیوون مقام پر ایک فارم ہائوس بنایا گیا ہے جس میں یہ تینوں بلیاں پرورش کے لیے رکھی گئی ہیں۔
ان کا کہنا ہے کہ یہ بلیاں سالانہ ڈیڑھ سو بچے دے سکتی ہیں۔ انہیں تین سال تک پرورش کے بعد جنگل میں چھوڑ دیا جائے گا جس تاکہ وہ فطری انداز میں اپنی نسل آگے بڑھا سکیں۔ ماہرین کا کہنا ہے کہ مذکورہ جنگلی بلی آخری بار 1849ء کو دیکھی گئی تھی۔ اس کے بعد یہ خیال کیا جا رہا تھا کہ بلی کی یہ نسل معدوم ہو چکی ہے۔
