چار فلسطینی قیدیوں نے بغیر کسی وجہ اور الزامات کے اپنی غیر قانونی انتظامی حراست کے خلاف احتجاج کے طور پر متعدد روز سے بھوک ہڑتال جاری رکھی ہوئی ہے ۔
بھوک ہڑتالی فلسطینی قیدیوں حسام الرزة اور محمد طبنجة نے بالترتیب 38 اور 30 دنوں سے بھوک ہڑتال جاری رکھی ہوئی ہے جبکہ حسن العويوي اور عودة الهاروب نے 2 اپریل 2019 کو اکٹھے بھوک ہڑتال شروع کی تھی۔
فلسطینی قیدیوں کی سوسائٹی کے مطابق اسرائیلی جیل سروس نے ان چار فلسطینی قیدییوں کے ساتھ ظالمانہ سلوک روا رکھا ہوا ہے اور انہیں قید تنہائی میں ڈال دیا ہے ۔
بھوک ہڑتالی قیدیوں کو انکے خاندانوں سے ملاقات سے محروم رکھا جاتا ہے اور انہیں بمشکل اپنے وکلاء سے ملنے کی جازت دی جاتی ہے۔
