قابض صہیونی فوج نے مقبوضہ بیت المقدس میں ایک فلسطینی خاندان سے اس کا مکان زبردستی مسمار کر دیا۔
مرکز اطلاعات فلسطین کے مطابق صہیونی فوج نے ریاستی جبر کا مظاہرہ کرتے ہوئے مسجد اقصیٰ کے قریب حارہ السعدیہ میں "عقبہ رصاص” کے مقام پر العجلونی نامی خاندان سے اس کا مکان زبردستی مسمار کر دیا۔
حال ہی میں صہیونی فوج کی طرف سے العجلونی خاندان سے کہا گیا تھا کہ وہ اپنا مکان خود مسمار کرے ورنہ اسے مکان مسماری کے لیے ہونے والے اخراجات اٹھانا ہوں گے۔
خیال رہے کہ یہ پہلا موقع نہیں کہ صہیونی فوج نے القدس میں فلسطینی خاندان کو اپنا مکان مسمار کرنے پر مجبور کیا ہے۔ اس طرح کے صہیونی ریاستی جبر کے واقعات روز کا معمول بن چکے ہیں۔
