اسلامی تحریک مزاحمت ‘حماس’ کے سیاسی شعبے کے سربراہ اسماعیل ھنیہ نے تیونس کے صدر الباجی قاید السبسی سے ٹیلیفون پر بات چیت کی۔ دونوں رہ نمائوں کے درمیان ہونے والی بات چیت میں فلسطین کی تازہ ترین صورت حال، فلسطینیوں کے خلاف اسرائیلی ریاستی دہشت گردی اور فلسطین میں صہیونی ریاست کی غیر قانونی یہودی آباد کاری پر تفصیل سے تبادلہ خیال کیا گیا۔
حماس کے سیاسی شعبے کے دفتر سے جاری ایک بیان میں کہا گیا ہے کہ اسماعیل ھنیہ نے تیونسی صدر سے ٹیلیفون پر بات چیت کی۔ دونوں رہ نمائوں کے درمیان قضیہ فلسطین کو درپیش چیلنجز پر تفصیلی گفتگو کی گئی۔
بیان میں مزید کہا گیا ہے کہ اسماعیل ھنیہ نے تیونسی صدر الباجی قاید السبسی کو عرب لیگ کے سربراہ اجلاس کی میزبانی پر مبارک باد پیش کی اور اجلاس کے دوران قضیہ فلسطین سے متعلق جرات مندانہ موقف اختیار کرنے کی تحسین کی۔
ھنیہ نے امید ظاہر کی کہ تیونس قضیہ فلسطین کے منصفانہ حل اور فلسطینی قو کو درپیش مسائل کے حل میں کلیدی کردار ادا کرسکتا ہے۔
دوسری جانب تیونسی صدر السبسی نے کہا کہ ان کے ملک کا قضیہ فلسطین سے متعلق موقف واضح اور دوٹوک ہے اور تیونس فلسطینیوں کی تحریک آزادی کی جدو جہد کی حمایت جاری رکھے گا۔
