اسرائیلی زندانوں میں قید چھ فلسطینیوں نے صہیونی ریاست کے مظالم اور انتقامی حربوں کے خلاف مسلسل بھوک ہڑتال جاری رکھی ہوئی ہے۔ ان تمام فلسطینیوں نے انتظامی قید کے خلاف بھوک ہڑتال شروع کر رکھی ہے۔
مرکز اطلاعات فلسطین کے مطابق کلب برائے اسیران کی طرف سے جاری کردہ ایک بیان میں کہا گیا ہے کہ صہیونی زندانوں میں زیرحراست اسیران دائود عدوان، حسام الرزہ، محمد طبنجہ،خالد فراج، حسن العویوی اور عودہ الحروب نے بھوک ہڑتال جاری رکھی ہوئی ہے۔
بیان میں کہا گیا ہے کہ 35 سالہ دائود عدوان کا تعلق مشرقی بیت المقدس میں العزیریہ سے ہے۔ وہ پانچ سال تک صہیونی زندانوں میں قید کاٹ چکے ہیں۔ انہیں 17 اپریل 2018ء کو حراست میں لیا گیا انتظامی قید میں منتقل کردیا گیا۔ انہوں نے 19 مارچ کو بھوک ہڑتال شروع کی تھی۔
18 سال اسرائیلی زندانوں میں قید کاٹنے والے اسیر الرزہ ایچل جیل میں قید ہیں۔اسیر طبنجہ 28 جون 2018ء سے قید ہیں۔ انہوں نے 25 جون سے انتظامی قید کے خلاف بہ طور احتجاج بھوک ہڑتال شروع کی تھی۔
اکتیس سالہ اسیر خالد فراج نے 11 روز قبل بھوک ہڑتال شروع کی جبکہ اسیر العویوی اور الحروب نے چند روز قبل انتظامی قید کے خلاف بھوک ہڑتال شروع کی تھی۔
