قابض صہیونی حکام کی طرف سے فلسطینی اسیران کے خلاف انتقامی کارروائیوں کا سلسلہ جاری ہے اور نت نئے انتقامی حربے استعمال کیے جا رہے ہیں۔ اطلاعات کے مطابق صہیونی فوج اور جیل انتظامی نے گزشتہ روز تمام جیلوں میں قید فلسطینیوں کو نماز جمعہ کی ادائیگی سے روک دیا۔
مرکز اطلاعات فلسطین کے مطابق صہیونی حکام نے تمام جیلوں میں فلسطینی اسیران کو نماز جمعہ کی ادائیگی سے روک دیا۔
فلسطینی اسیران میڈیا سینٹر کی رپورٹ کے مطابق کئی عشروں کے بعد یہ پہلا موقع ہے جب صہیونی حکام کی طرف سے فلسطینی قیدیوں کو جمعہ کی نماز کی ادائیگی سے روکا گیا ہے۔
اسیران میڈیا سینٹر کے مطابق صہیونی حکام کی طرف سے فلسطینی اسیران کے خلاف ظالمانہ کارروائیاں اور ان کے خلاف انتقامی حربے مسلسل جاری ہیں۔
خیال رہے کہ حال ہی میں اسرائیلی فوج نے جزیرہ نما النقب کی جیل میں قید فلسطینیوں کو انتقامی کارروائیوں کو نشانہ بنایا گیا۔ اس دوران دو فلسطینی اسیران کی طرف سے صہیونی جیلروں کو چاقو سے حملہ کر کے دو افسروں کو زخمی کر دیا تھا۔
