شمالی مغربی کنارے کے شہر قلقیلیہ میں اسرائیلی فوج کے چھاپے کے دوران فلسطینی نوجوانوں اور صہیونی فوجیوں کے درمیان پرتشدد جھڑپوں کا سلسلہ شروع ہو گیا۔
مقامی ذرائع نے مرکز اطلاعات فلسطین کے نمائندے کو بتایا کہ قلقیلیہ کے قریبی قصبے النقار میں قابض صہیونی فوج اور درجنوں فلسطینی نوجوانوں کے درمیان جھڑپوں کا آغاز ہو گیا۔
ذرائع نے بتایا کہ قابض صہیونی فوج کی جانب سے اشک آور گیس کے گولے پھینکنے کے باعث درجنوں فلسطینیوں کو سانس لینے میں دقت کا سامنا کرنا پڑا۔
