فلسطینی اسیران اور اپنی سزا مکمل کر کے رہا ہو جانے والے قیدیوں کے امور کی نگرانی کرنے والے فلسطینی کمیشن نے کہا ہے کہ صہیونی جیل حکام غرب اردن کے شہر الخلیل کے درا قصبے کے رہائشی اسیر ایمن طابش کو ایالون کے زندانوں میں غیر انسانی حالات کے اندر قید تنہائی میں رکھے ہوئے ہیں۔
کمیشن کے مطابق طابش کو جیل کے ایک مرطوب اور تنگ وتاریک کوٹھڑی میں قید تنہائی میں رکھا جا رہا ہے۔ اس کوٹھڑی میں ہوا کا گزر محال ہے۔ نیز صفائی کی صورتحال بھی انتہائی ناگفتہ بہ ہے۔
ایالون جیل میں قید طابش کے اہل خانہ کی ملاقات پر بھی پابندی عاید ہے۔ جیلر ان کے ساتھ بدسلوکی سے پیش آ رہے ہیں۔ انہیں اپنے سیل سے باہر صرف ایک گھنٹہ کے لئے واک کی اجازت دی جا رہی ہے۔
یاد رہے کہ تابش کو اگست 2016 میں گرفتار کیا گیا تھا جس کے بعد ان کی انتظامی نظر بندی کی مدت میں وقتا فوقتاً تجدید کی جا رہی ہے۔
