اسلامی تحریک مزاحمت’حماس’ نے کہاہے کہ صہیونی دشمن نے قبلہ اول اور اس کے تاریخی دروازے’باب رحمت’ پرقبضہ جمانے کی مذموم کوشش کی تھی مگر فلسطینی قوم کے عزم استقلال کے سامنے صہیونی دشمن بری طرحناکام ہوا۔
مرکزاطلاعات فلسطین کے مطابق حماس کی طرف سے جاری کردہ ایک بیان میں کہا گیا ہے کہ اسرائیلی فوج نے مسجد اقصیٰ میںنماز کی ادائی کرنے والے فلسطینیوں کو گرفتاری سمیت دیگر سنگین نتائج کی دھمکیاں دیں مگر فلسطینی قوم نے اپنے عزم اسقلال سے ثابت کیا ہے کہ مسجد اقصیٰ ان کے لیے’سرخ لکیر’ ہے۔ صہیونی قبلہ اول کے خلاف اپنی سازشوں اور مذموم ریشہ دوانیوں کو آگے نہیں بڑھا سکتے۔
بیان میں مزید کہا گیا ہے کہ جمعہ کے روز ہزاروں فلسطینی اسرائیلی فوج کی کھڑی کردہ رکاوٹیں توڑ کرقبلہ اول میں پہنچنے میں کامیاب ہوگئے۔ فلسطینیوں کا قبلہ اول میں یہ عظیم الشان جم غفیر صہیونی دشمن کی ناکامی اور فلسطینیوں کی کامیابی ہے۔
بیان میں مزید کہا گیا ہے کہ فلسطینی قوم نے قبلہ اول کو لاحق خطرات کے تدارک کے لیے بیداری کا ثبوت دیا ہے اور یہ ثابت کیا ہے کہ دشمن قبلہ اول کو نقصان پہنچانے میں کامیاب ن ہیں ہوسکتا اور فلسطینی قبلہ اول کو یہودیوں کے رحم وکرم پرنہں چھوڑیں گے۔
حماس نے فلسطین کی دینی قوتوں کے قبلہ کے دفاع کے حوالے سے کردار کو شاندار خراج تحسین پیش کیا اور کہا کہ فلسطینی قوم مسجد اقصٰی اور القدس کو لاحق خطرات کے تدارک کے لیے سیسہ پلائی دیوار ہے۔
بیان میں کہا گیا ہے کہ مسجد اقصیٰ کے باب رحمت سمیت کسی بھی مقام پر صہیونیوں کو اپنا مذہبی حق جتلانے کا کوائی جواز نہیں۔ یہ مقام صرف مسلمانوں کے لیے مختص ہے۔
