فلسطین کے مقبوضہ مغربی کنارے کے شمالی شہرجنین میں 13 سالہ ایک فلسطینی لڑکے کی پھندے سے لٹکی لاش برآمد کی گئی۔ مغربی جنین کے الیامون قصبے میںپیش آنے والے اس واقعے کی وجہ معلوم نہیں ہوسکی۔
مقامی ذرائع نے مرکزاطلاعات فلسطین کے نامہ نگار کو بتایا کہ 13 سالہ مھنا فارس رجا حوشیہ کواس کے گھرکے باہردروازے کے پھندے کےساتھ لٹکتے پایا گیا تھا۔ فلسطینی لڑکے کو تشویشناک حالت میں اسپتال منتقل کیا گیا تھا مگر اس کی زندگی بچائی نہیں جا سکی۔ پولیس نے واقعے کی تحقیقات شروع کردی ہیں۔
