فلسطین کے عوامی اور سیاسی حلقوں کی طرف سے سابق فلسطینی رکن پارلیمنٹ ابراہیم ابو سالم کی گرفتاری کے خلاف سخت احتجاج اور دبائو کے بعد عباس ملیشیا نے انہیں رہا کر دیا ہے۔
مرکزاطلاعات فلسطین کے مطابق عباس ملیشیا نے ہفتے کے روز غرب اردن سے ایک کارروائی کے دوران اسلامی تحریک مزاحمت ‘حماس’ کے رہ نما اور سابق رکن اسمبلی کو گرفتار کرلیا تھا۔ ابراہیم ابو سالم کی گرفتاری کے بعد حماس اور دیگرفلسطینی سیاسی جماعتوں نے ابراہیم ابوسالم کی گرفتاری کی شدید مذمت کی تھی اور ان کی فوری رہائی کا مطالبہ کیا تھا۔
خیال رہے کہ ایک ماہ قبل فلسطینی پارلیمںٹ تحلیل کیے جانے کے بعد عباس ملیشیا کے ہاتھوں کسی رکن پارلیمںٹ کی یہ پہلی گرفتاری ہے۔
انہیں عباس ملیشیا نے بیر نبالا میں واقع ان کی رہائش گاہ سےحراست میں لیا۔ عباس ملیشیا نے ان کا موبائل ضبط کرنے کے ساتھ ان کے گھر سے نقدی بھی لوٹ لی تھی تاہم آج عباس ملیشیا نے انہیں رہا کردیا۔
