لبنان کے شہر صیدا میں اسلامی تحریک مزاحمت”حماس” کے 31 سالانہ تاسیسی اجتماع میں ہزاروں افراد نے شرکت کی۔ جماعت کے تاسیسی اجتماع میں حماس کی مقامی قیادت اور لبنان کی اہم سیاسی اور سماجی شخصیات نے بھی شرکت کی۔
مرکز اطلاعات فلسطین کے مطابق لبنان کے صیدا شہر میں منعقدہ حماس کے تاسیسی اجتماع میں ملک کے مختلف شہروں سے وفود نے شرکت کی۔ جماعت کے تاسیسی اجتماع میں شرکت کرنے والوں میں حماس کے ارکان، لبنان میں مقیم فلسطینی پناہ گزین اور لبنان کے عام شہریوںنے بھی شرکت کی۔ حماس کے تاسیسی اجتماع کے لیے ‘ہم ثابت قدم ہیں اور ہماری نگاہیں وطن پر مرکوزہیں’ کا عنوان دیا گیا۔ لبنان میں حماس کی قیادت نے آزادی کے لیے مسلح جدو جہد کے عزم کا اعادہ کیا۔
حماس کے تاسیسی اجتماع کا آغاز تلاوت کلام پاک سے ہوا۔ اس کے بعد حماس کے بیرون ملک شعبے کے سبراہ ماہر صلاح، نائب صدر محمد نزال، شعبہ اطلاعات کے انچارج رافت مرہ، اسامہ حمدان اوردیگر رہ نمائوں نے خطاب کیا۔ مقررین نے اپنے خطاب میں فلسطین کی صہیونی ریاست کے غاصبانہ تسلط سے مکمل آزادی تک جدو جہد جاری رکھنے کے عزم کا اعادہ کیا۔
اس موقع پر لبنان اور فلسطین کے قومی ترانے بھی بجائے گئے۔ اجتماع گاہ میںہرطرف حماس کے سبز پرچموں کی بہار تھی۔
حماس کی قیادت نے اپنی تقاریر میں جماعت کے مشن کو پایہ تکمیل تک پہنچانے کے عزم کا اعادہ کیا۔
