انڈونیشیا کی پارلیمنٹ نے متفقہ طور پر ایک قرار داد منظور کی ہے جس میں مقبوضہ بیت المقدس کو اسرائیل کا دارالحکومت تسلیم کرنے کے آسٹریلیا کے فیصلے کی شدید مذمت کی گئی ہے۔
مرکز اطلاعات فلسطین کے مطابق انڈونیشیا کی پارلیمنٹ کے اسپیکر عبدالخریس المسیھاری نے ایک بیان میں کہا کہ پارلیمنٹ میں منظور ہونے والی قرارداد میں مغربی بیت المقدس کو اسرائیل کا دارالحکومت تسلیم کیے جانے کی شدید مذمت کی گئی ہے۔
انہوں نے کہا کہ یہ قرارداد آسٹریلیا کی صہیونیت نوازی کی شدید مذمت کرتی اورالقدس کے حوالے سے انڈونیشیا کے اصولی قومی اور سرکاری موقف کا اظہار ہے۔
ان کا کہنا تھا کہ آسٹریلیا سمیت کسی بھی دوسرے ملک کو القدس کو اسرائیل کے حوالے کرنے کا کوئی حق نہیں۔ انہوں نے کہا کہ عالمی برادری کوالقدس کے حوالے سے اقوام متحدہ کی قرادادوں کی پیروی کرنی چاہیے۔
خیال رہے کہ گذشتہ ہفتے اسرائیلی وزیراعظم اسکوٹ موریسن نے مقبوضہ مغربی بیت المقدس کو اسرائیل کا دارالحکومت تسلیم کرلیا تھا۔
