اسرائیلی جیل میں قید ایک مریض فلسطینی شہری نے قید تنہائی میں ڈالے جانے کے خلاف بہ طور احتجاج 16 روز سے بھوک ہڑتال جاری رکھی ہوئی ہے۔
مرکز اطلاعات فلسطین کے مطابق غرب اردن کے شمالی شہر نابلس کے رہائشی اسیر محمود عطا اللہ نے عسقلان جیل میں قید تنہائی میں ڈالے جانے کے خلاف بہ طور احتجاج بھوک ہڑتال شروع کی ہے۔
کلب برائے اسیران کے ڈائریکٹر راید عامر نے بتایا کہ اسیر عطااللہ 17 سال سے اسرائیلی زندانوں میں قیدو بند کی صعوبتیں اٹھا رہے ہیں۔ وہ کئی خطرناک امراض کا شکار ہیں مگر اس کے باوجود صہیونی جیلروں اور حکام کی طرف سے انہیں بدترین انتقامی کارروائیوں کا سامنا ہے۔
حال ہی میں اسرائیلی جیلروں نے اسیر عطا اللہ کو قید تنہائی میں ڈال دیا تھا جس کے بعد انہوں نے بہ طور احتجاج بھوک ہڑتال شروع کی ہے۔
