اسرائیلی عدالت نے ایک مفرور فلسطینی مزاحمت کار اشرف نعالوۃ کی والدہ اور بھائی پر فرد جرم عاید کی ہے۔
مرکز اطلاعات فلسطین کے مطابق اشرف نعالوۃ پرالزام ہے کہ اس نے 7 اکتوبر کو غرب اردن کے شمالی شہر سلفیت میں برکان یہودی کالونی میں گھس کردو یہودی آباد کاروں کو ہلاک اور ایک کو زخمی کر دیا تھا۔
اس کارروائی کے بعد اشرف نعالوۃ مفرورہیں اور اسرائیلی فوج اسے تلاش کرنے میں ناکام ہیں۔ قابض فوج نے اشرف نعالوہ کی والدہ، والد، ہمشیرہ اور ایک بھائی کو حراست میں لے رکھا ہے۔
عبرانی ٹی وی چینل 7 کی رپورٹ کے مطابق اشرف نعالوۃ کی والدہ اور بھائی پرگذشتہ روز فرد جرم عاید کی گئی۔ قابض فوج نے الزام عاید کیا ہے کہ نعالوۃ کی والدہ اور اس کے بھائی نے اسے یہودی آباد کاروں پرحملوں سے نہیں روکا، اس لیے وہ بھی اس جرم میں برابر کے شریک ہیں۔
