قابض صہیونی فوج نے وادی اردن میں جنگی مشقوں کی آڑ میں وہاں پر بسنے والے 21 فلسطینی خاندانوں کو گھر خالی کرنے کے نوٹس جاری کیے ہیں۔
مرکزاطلاعات فلسطین کے مطابق وادی اردن میں مقامی سماجی کارکن معتز بشارات نے بتایا کہ صہیونی فوج نے وادی کے حمصہ الفوقا کے مقام میں رہنے والے 21 فلسطینی خاندانوں کو مکان خالی کرنے کا حکم دیتے ہوئے آج ہفتے کے اندر مکان خالی کرنے کا حکم دیا ہے۔ قابض فوج کا کہنا ہے کہ وہ آئندہ منگل سے اس علاقے میں مشقیں شروع کر رہی ہے۔
صہیونی فوج کی طرف سے کہا گیا ہے کہ صبح چھ بجے سے رات آٹھ بجے تک فلسطینی اپنے گھر خالی کردیں اور ایک ہفتے تک مشقوں کے دوران دن کے اوقات میں وہ گھروں کو نہ آئیں۔
