اسرائیلی فوج نے ایک فلسطینی خاندان کے گھر کا مرکزی دروازے پر لوہے کے جوڑ لگا کر دروزہ دائمی طور پر بند کر دیا اور خاندان کو محصور کر دیا۔ تفصیلات کے مطابق مقبوضہ غرب اردن کے شہر الخلیل کی شہدا گلی میں اسرائیلی فوج نے گھر کے اندر داخل ہونے کے بعد مرکزی دروازے کو لوہے کے جوڑ لگا کر دائمی طور پر بند کر دیا۔
گھر کے مالک سامی زہدہ نے بتایا کہ اسرائیلی فوج نے گھر کےمرکزی داخلی دروازے کو ویلڈ کر دیا اور خاندان کو کھڑکیوں سے باہر نکلنے پرمجبور کیا۔
واضح رہے کہ غرب اردن کے شہر الخلیل میں اسرائیلی فوج نے گرفتاری مہم کا آغاز کیا ہوا ہے اور آئے روز اہالیان الخلیل کو اسرائیلی فوج اور شرپسند یہودی آبادکاروں کی طرف سے غیر انسانی سلوک اور ہراسیت کا سامنا کرنا پڑتا ہے۔ یہودی آبادکاروں اور قابض اسرائیلی فوج کی طرف سے فلسطینیوں کے گھروں پر اکثرحملے کیے جاتے ہیں اور بلڈوزروں کی مدد انہیں مسمار بھی کیا جاتا ہے۔ بعض اوقات یہودی آبادکاروں کے گینگ مقامی عمارتوں پر قبضہ کرنے کی کوششیں بھی کرتے ہیں۔
