اولاد اللہ کی طرف سے اپنے بندوں کے لیے خصوصی نعمت ہے مگر بعض لوگوں کو یہ نعمت بہت انتظار کے بعد حاصل ہوتی ہے۔ فلسطین میں ایک شخص کے ہاں شادی کے تیس سال کے بعد بچہ ہوا۔ بچے کی پیدائش پر پورا خاندان غیر معمولی طور پر خوش ہے۔
غرب اردن کے شہر جنین سے تعلق رکھنے والے شہریوں نے مرکزاطلاعات فلسطین کے نامہ نگار کو بتایا کہ جبع قصبے کے رہائشی ماجد ملائیشہ نے تیس سال قبل شادی کی مگر اس کے ہاں بچے کوئی اولاد نہیں ہوئی۔ ملایشہ کا کا کہناہے کہ وہ اللہ کی رحمت سے کبھی مایوس نہیں ہوا کیونکہ مایوسی فاسقوں کا کام ہے۔
ایک سوال کے جواب میں اس نے بتایا شادی کے بعد پتا چلا کہ اس کی بیوی بانجھ پن کا شکار ہے مگر سائنسی تحقیقات اور جدید طریقہ علاج نے اس کے بانجھ پن کے علاج میں مدد کی جس کے باعث اللہ نے اسے تین عشروں بعد بچے کی نعمت سے نوازا ہے۔
