فلسطین کے علاقے غزہ کی پٹی میں سرحدی امور کے انچارج کی طرف سے جاری کردہ ایک بیان میں کہا گیا ہے کہ غزہ کی بین الاقوامی رہ داری رفح کو آج سے دو طرفہ آمد ورفت کے لیے کھول دیا گیا ہے۔ گذرگاہ چار روز تک کھلی رہے گی۔
مرکزاطلاعات فلسطین کے مطابق سرحدی امور کی نگران اتھارٹی نے ایک بیان میں کہا گیا ہے کہ مصری حکام نے انہیں بتایا ہے کہ غزہ کی پٹی کی بین الاقوامی گذرگاہ ’رفح کراسنگ‘ کو آج ہفتے، کل اتوار، سوموار اور منگل کو دو طرفہ آمد ورفت کے لیے کھولاجائے گا۔
قاہرہ میں فلسطینی سفیر دیاب اللوح نے رفح گذرگاہ کھولنے کی اجازت دینے پر مصری صدر عبدالفتاح السیسی کا خصوصی شکریہ ادا کیا ہے۔
خیال رہے کہ رفح گذرگاہ کا کنٹرول چند ماہ قبل فلسطینی اتھارٹی کے حوالے کیا گیا تھا۔ فلسطینی حکومت کی طرف سے اعلان کیا گیا تھا کہ گذرگہ کو مستقل بنیادوں پر کھول دیا جائے گا۔ مگر تا حال یہ گذرگاہ دو طرفہ آمد ورفت کے لیے زیادہ تر بند ہی رہتی ہے۔
جولائی 2013ء کو مصرمیں منتخب صدر محمد مرسی کی حکومت کا تختہ الٹے جانے اور ملک میں فوجی حکومت کےقیام کے بعد غزہ کی پٹی کی بین الاقوامی گذرگاہ کو بند کردیا گیا تھا۔
