مقبوضہ فلسطین سے موصولہ اطلاعات کے مطابق محاصرہ زدہ غزہ کی پٹی میں علاج کی ناکافی سہولیات اور اسرائیل کی جانب سے بیرون ملک علاج کے لئے غزہ سے باہر سفر کی اجازت نہ ملنے کی وجہ سے ایک مزید فلسطینی زندگی کی بازی ہار گیا۔
انسداد محاصرہ اورقومی بحالی کمیشن کے مطابق اسرائیلی حکام نے 41 سالہ محمد دبابش کی متعدد اپیلیں مسترد کر دیں جس میں انھوں نے 1948ء کو اسرائیلی قبضے میں جانے والے علاقے میں علاج کی درخواست کی تھی۔
غزہ کے تقریبا بیس لاکھ باسی گذشتہ بارہ برسوں سے غیر انسانی محاصرہ کی زد میں ہیں۔ اس محاصرے کی وجہ سے غزہ سے باہر علاج میں ناکامی پر درجنوں مریضوں جاں کی بازی ہار چکے ہیں۔
